康宏金融（1019）最令人有印象，係嗰位鍾意行山、跑馬拉松嘅主席王利民，王利民仲要跑到去撒哈拉沙漠、南極、北極，上行下效，成間公司嘅員工都充滿運動熱情，差唔多年年組隊參加毅行者。莊偉忠加盟做行政總裁之後，係咪都要一齊動起來呢？
但原來莊偉忠唔鍾意郁，佢都唔怕得罪主席，好坦白咁話「從來唔鍾意跑步」，佢只喜歡球類活動，以前一星期起碼打一場波，籃球、足球乜都啱，但唔知點解，佢50歲開始，即係4年前左右，忽然冇晒興趣做運動，搞到身體真係差咗少少。
所以佢好認真咁話，「難得有間機構咁健康」，佢希望將來跟同事一齊行山做運動，到時身體健康啲，又有另一個得着喇。