香港賽事採取讓磅制，唔計一、二級賽，一場賽事最重負磅馬為133磅，都算幾吃力。但如果馬匹孭住咁重磅，而居然又能夠大勝對手三身位或以上贏馬，呢類馬嘅能力必高。
上季同類分子共有七匹，贏得最遠係方廐「文藝復興」，於總場次741谷草三班2200米，孭住133頂磅，依然可大勝亞軍「凱明神駒」四又四分三馬位而回，難度真係唔低。果然「文藝復興」再出依然可保持水準連捷，再三印證呢類馬追得過。
其他同類馬之中，「琪麟穎」孭133磅大勝之後雖未再贏，但仍可兩度上名，新季改由沈集成訓練，此駒潛質更可望進一步發揮，屬銀行馬之一。