中環在線:MUJI概念店走文青路線 - 李華華

中環在線:
MUJI概念店走文青路線 - 李華華

香港經常被指為文化沙漠,無印良品偏偏逆市而行,噚日喺信置(083)旗下奧海城開設全港首間概念店,取代之前美食廣場嘅位置,雖然店舖面積唔係最大,但就引入MUJI BOOK與MUJI GREEN元素,賣花花草草同書本,啱晒走文青路線嘅年輕人。
無印良品董事總經理孔慧蘭話,用咗大約半年時間籌備店舖,MUJI BOOK嘅書會融入店舖每個角落。有別於一般大型連鎖書店,MUJI BOOK講求生活元素,想顧客享受閱讀過程,從中搵到生活靈感,所以賣嘅書都同生活有關,中、英、日文都有,包括創作、設計、生活用品等書籍。佢哋都唔諗住跟大型書店競爭,「預咗市佔率唔高」。咁都照做,真係好愛書喎!