天文台昨午5點18分錄得中國東南部發生一場5.4級地震，由於震央位於北緯23.5、東經111.1，即鄰近廣東省與廣西省交界的梧洲市附近。全港多區都有居民表示感受到今次地震，包括黃大仙、土瓜灣、粉嶺及西環，有黃大仙居民稱感覺到地震持續4、5秒。
高級科學主任莫慶炎表示，直至昨晚7點，天文台已接獲逾500宗市民報告感受到地震，當中以九龍區的報告佔多，有逾150宗。他指初步分析顯示，市民大多數感受到輕微震動，天文台將地震烈度為修訂麥加利地震烈度表的第III(三)度，「即係室內有感，懸掛嘅物件見到有擺動，震動嘅感覺好似係一架小型貨車經過咁嘅振動。」
直屬中國地震局的「中國地震台網中心」公佈正式測定同樣指今次地震為5.4級，震源深度僅約10公里，屬淺層地震。
【網民咁講】
Eric Chan：感覺層樓喺度搖。
Cis Sie：坐係度無端端搖，睇住個電腦mon搖。
Kila Wong：唔強，行緊路可能唔覺，但坐喺度會感覺到上下輕微搖咗兩三秒。
Jason White 愉景灣有，10秒以上
Casillas ：洪水橋都有，無啦啦床搖下搖下，我仲以為feel錯，成十幾秒都有。
Tony Kwok：我估係卡比獸唔小心碌咗落床啫...
Ken Tsang：廉署有！
Benjamin Chong：唔講唔覺，講完就大把人覺。
vivibabyvivi：又地震又冰雹又打風，what's up？