香港拳壇「神奇小子」曹星如自細就鍾意打機，噚日佢喺屯門出席宣傳活動嗰陣，仲笑自己以前係「打機宅男」，但佢竟然連最近hit到爆嘅手機遊戲Pok𥌎mon GO都冇玩過，佢話：「𠵱家係『打拳宅男』，打完拳都好攰，好少打機喇，平時同太太傾吓偈已經係放鬆嘅活動。」星如日練夜練，就係為嚟緊10月喺香港舉行嘅第20戰而準備，究竟係咪可以挑戰世界冠軍？今日星如就會舉行發佈會，到時就自有分曉啦！