家陣條街焗如蒸籠，去室內場嘆冷氣玩比較舒暢，之前看到朋友在比試激光劍，閃閃發光揈揈吓，似打緊星球大戰咁，固然吸引，能瘋狂亂劈減壓才是正道。不過室內場Crossfire Arena Hong Kong負責人Adwin Ho就話：「劍唔係咁玩。」
激光劍看似是玩具般兒戲，實則講求步法及招式，很有功架，Adwin 解釋，場地提供的課程，教授的激光劍法結合菲律賓及泰國劍道，已於新加坡十分流行。它有顏色，其中一把劍更能變色及發聲，極盡視聽之娛，又劈得過癮，之不過點解把劍亂劈都咁硬淨，皆因劍身用耐熱防撞又透明的塑膠物料製造，劍柄的物料用鋼做，看似無堅不摧，但如果劈硬物就會爛。
講講基本技巧，轉劍靠手腕及手臂控制移動幅度及方向，單手或雙手舞劍都可有不同花式。步法方面，玩家其中一隻腳向外呈45度，向左或向右移動。正式對打時，通常便戴護眼鏡及手套增強保護，玩家擊中對方的手套便得一分。記者Winnie只試了一會便覺累及出汗，「把劍唔輕，郁兩分鐘，手部肌肉已經好累。」想鍛煉手部肌肉的女士不妨一試。
課程資料：一堂$280
查詢： http://crossfire.hk/
記者：梁慧琳
攝影：鄧鴻欣
