雙曾爭住出閘？一時間政壇好鬼熱鬧，花生友就梗係好happy，因為睇佢哋同CY惡鬥都值回票價。
又係喎，好似一直ABC嘅自由黨榮譽主席田北俊咁吖，近日就喺facebook貼咗一張網民瘋傳嘅相，相中嘅曾鈺成配上一句「如果CY下界（屆）仲係特首，我唔Ｘ叫曾鈺成」，一向愛抽水嘅田少留言話：「我差啲以為呢句說話係我講，哈哈哈」，仲hashtag「咁薯片叔叔點算啊？」咦，對財爺真係好鬼體貼㗎箒！
點知呢個po，連曾鈺成都關注，喺田少facebook留言：「薯片叔叔出，梗係走夾唔唞啦！」以為咁樣就完？錯，仲係逗號箒，因為貪玩嘅田少，又忍唔住出手回應：「咪走住，我驚薯片叔叔咁單純，一個人搞唔掂喎！」（圖）
睇見兩位政界重量級人馬，喺facebook「打情罵俏」寸爆一男子，係咪好期待，真正嘅選戰早日開始？