全城瘋狂捉精靈，但八方竟然喺灣仔地鐵站通往會展動漫節嘅天橋上，見到好多喺新東參選立法會嘅新同盟范國威畀人捉？皆因咖喱范嘅易拉架上除咗有佢個卡通樣，有個精靈球。因乜解究新東出戰卻過海拉票？唔通因為今屆再戰新東，遇上力撐佢嘅鄭家富復出做對手，選情好凶險，搞到跨區有殺錯無放過？No，查實因為去動漫節嘅市民，嚟自五區，咖喱范睇準呢個大好宣傳機會箒。
將遊戲結合政治，其實都幾sharp醒；八方問過咖喱范，佢話係特登㗎，笑稱呢啲叫做「潮流政治」，而佢確實相當有諗頭喎，特別將易拉架放咗喺櫻花熱點嘅位置，話訓練員咁樣實睇到，捉唔捉到精靈都肯定睇到佢嘅嘜頭。