隨着財政司司長曾俊華、立法會主席曾鈺成表態願選特首，早前政圈盛傳的「雙曾配」又再炒熱，兩人是否真的合作？有政界中人稱，政圈流傳兩人均認為有合作空間，但曾鈺成仍傾向由曾俊華做主，他扮演副手。至於曾鈺成為何公開說不排除參選，除了因北京取態外，也為防有人「爆陰毒」。
該政界中人稱，「雙曾配」是否存在，只有兩名當事人最清楚，但政圈流傳兩人有透過一些渠道了解雙方對選特首看法，聽聞兩人均認為對方願選是好事，無論誰出選亦願互相支持，但他聽聞曾鈺成仍傾向由曾俊華出選，自己最多只扮演副手角色，「始終曾鈺成冇做過政府，佢嘅興趣係做政策研究、做政府智囊，佢最想自己提出嘅政策同想法喺政府落實到，而唔係做特首管成個政府」。
那麼曾鈺成為何又要公開說不排除參選？另一政圈中人稱，相信其中一個可能性是考慮北京取態，「如果北京諗完一輪，到最後都係覺得曾俊華未必係下屆特首合適人選，咁曾鈺成就要自己出嚟選，等曾俊華做佢副手」。
至於另一原因，或與江湖流傳另一傳聞有關。一直有傳言指有人會「爆陰毒」抹黑有意出戰下屆特首人士，「傳聞話，只要所有有意選下屆特首嘅人，畀唔知真假嘅黑材料搞，咁肯定會知難而退，又或北京唔會揀佢哋，到時唔撐梁振英連任都唔得」，而上屆特首選舉曾經「身受其害」的曾鈺成，自然不會低估「爆陰毒」的傳聞，「所以曾鈺成要留一手，萬一所有可能人選，俾人抹黑到冇得出，佢就會出嚟選，因為佢知道對手冇乜自己黑材料可以用」。
季陶
周一、三、五刊出