蘇偉賢精銳盡出!最大進步馬加緊催谷

蘇偉賢精銳盡出!
最大進步馬加緊催谷

繼前日蔡約翰及昨日容天鵬後,再有兩個馬房今晨(30日)首朝派馬出大圈進行操練,分別係鄭俊偉及蘇偉賢,前者僅得四駒,分別為「好好計」、「人生路」、「贏盡」及V383,全部均慢跳兩段,旨在輕舒步頭性質。

至於蘇偉賢就比較大陣仗,多達20駒出大圈,而且質量兼備,包括上季最大進步馬匹獎得主「發盈喜」,另外幾匹馬房招牌馬「世澤之星」及「日威夜威」亦有露面,咁大陣仗又咁早做工夫,莫非想重溫上季開鑼日贏馬開齋的好夢?