馬國明咁靚仔，個性孝順又乖仔，雖然毒毒哋，不過都係筍盤嚟㗎，仲要份人冇架子o添！點解咁講？你睇吓馬明平時嘅表情就知啦！馬明好多經典騎呢表情都深入民心，一定要數就係佢台慶嗰個「唔X係啩」嘅表情，嗰一吓三成天然呆加七成錯愕，真係鬼咁可愛。仲有好多㗎，早前佢幫大台宣傳嘅時候硬晒軚舉高手唔知做緊乜嘅樣都好過癮。佢同唐詩詠一齊出活動，詩詠餵完佢食嘢之後佢嗰笑容，真係十足十毒男去完簽名會見女神一樣，滿足得嚟有啲猥瑣，真係得馬明先做到咋！