【本報訊】保育意識高漲，加上市民對本土的感情，令老店去留越來越受重視。有小店後繼無人、或捱不過貴租和城市發展，也有老店幸得以傳承，1893年由駱公和所創的公和荳品廠正是一例，它也是黃詠珊筆下的其中一間老店。
與百年老舖合作辦畫展
同樣愛藝術的公和第四代接班人蘇意霞，直言喜歡黃的圖像紀錄，正計劃合作搞搞新意思，除在小店內舉行社區畫展，亦將以crossover形式推出紀念品，為老店注入新元素，與時並進。
「我兩年幾前先返嚟幫手，見到有張水彩畫掛咗喺度，好靚，老竇話係個女仔畫，想聯絡但又無電話，幾個星期前見到佢，自己帶咗張摺凳，好靜咁坐咗喺門口畫畫，先發現大家都係城大校友，好好傾。」蘇意霞說。
上年米芝蓮首設街頭小食店欄目，公和荳品廠是獲推介的小店之一，百年老號，裝潢依舊是紙皮石牆身和地板，抬頭可看見吊扇與古舊時鐘，也不時見到遊客慕名光顧。
「深水埗係我細個一家嘅蒲點，老竇去鴨記（鴨寮街），媽咪就去公和買荳品」。這天，黃詠珊就帶着她的新作《老店風情畫》來到小店送給蘇氏父女紀念。另外，小妮子亦計劃與深水埗明哥合作，為新開的社企食店北河同行的巨型拉閘畫畫。
■記者呂麗嬋