上周莊家股爆倉，事緣德普科技（3823）被沽空機構Glaucus狙擊，火燒連環船下，引發細價股洗倉風暴。短短兩日，德普及鼎石資本（8097）齊暴瀉逾九成，工蓋（1421）兩日挫八成。
很多人將矛頭指向沽空機構做世界，但一隻股票被踩到一文不值，說穿了，就是這隻股票價值，根本上就是垃圾。近幾年莊家股極速跌九成的例子，由過去一年一隻，變成差不多一個月一隻，要判別是否高危莊家股，一招可避開九成。
黃子華曾經喺棟篤笑中講過冧巴降：「你中咗世界上最可怕的降頭：冧巴降。就係有日有個人畀個冧巴你，而你除咗知佢係一個冧巴外，就一無所知，但係你成副身家放晒落去。冧巴降最厲害嘅地方係，你識嘅冧巴係唔會買……真係畀隻堅料你，XXX，唔識喎，但幫我入兩球。兩球係幾多唔緊要，最緊要係邊個打莊，唔係幾時先知震倉。」
上周四早上，當Glaucus出報告後，有數位聲稱與莊家稔熟的人，收到溫馨提示建議睇定些，不要心急沽，避免人踩人，殊不知午後越插越急，甚至罕有未停牌，目的是要讓領導先走，或助自己人散貨，留待證監等機構調查，但相信很多買這隻股票的人，可能連3823中文名叫德普、公司從事LED業務、過去五年全部蝕錢，全不知情。
衡量一隻股票貴與平，最常用方法是市盈率（PE）。而分辨是否高危莊家股，市賬率（PB）會更合適。PB是將股價除以每股賬面值（即資產淨值），數值大於1，即股價較公司賬面價值出現溢價。股王騰訊（700）破歷史新高，每股資產淨值（NAV）近16元，與股價186.5元相比，PB近12倍已經叫誇張。
德普科技最新年報披露，NAV為0.161元，以上周三收市後2.27元計，PB為14倍，一隻五年未賺過錢的公司，市值達148億元，憑甚麼PB可以貴過騰訊，唯一原因就是自己砌上去。兩日洗倉後，最新PB是0.84倍，市值9億元。
同一道理，同日洗倉的鼎石，出事前PB是51倍，跌完九成後，PB仍有近3倍。至於工蓋，出事前PB是逾10倍，跌超過八成後，PB仍較資產淨值有溢價。
港股逾千五隻股票，大大小小的莊家都「做緊嘢」，莊家可以是大股東，或者是機構投資者，比德普及鼎石PB更貴的股票，數目超過10隻。以下兩隻，不妨食住花生等睇戲。
翠如BB老竇的建築公司聯旺（8217），NAV只值2仙，股價是10.4元，PB接近500倍。另一隻前稱集成傘業（1027，現稱集成控股），賣遮賣到市值180億元的股票，PB超過42倍。
行外人買莊家股，我見過太多賬面富貴，但之後統統輸到燶。莊家唔搵人落叠，邊可能出貨。下次聽到類似「內幕嘢，上面有人；我Uncle畀料我，好堅！」請留番畀你自己。
股榮
https://www.facebook.com/stockwing1
