陳法拉昨日在尖沙嘴出席Volvo的新車發佈會，大會司儀由陳智燊擔任。法拉在台上表示在外國時17歲已駕車，揀車首重安全感，又笑指陳智燊很有安全感，要他好好照顧自己的好姊妹宋熙年。
「子華都好苦惱」
法拉前日在facebook留言，指跟黃子華演出舞台劇《前度》時，受到一名戴白色帽坐在前排的男士不停玩手機覆短訊影響，她昨接受訪問時語帶雙關地笑言男人要有安全感之外，亦要有教養及家教，她說：「中場嗰陣已經叫工作人員提醒過佢，佢都係唔理繼續玩，舞台劇又唔可以停，子華都見到，亦都好苦惱。」法拉表示當時跟子華都有擔心過影響情緒，幸好都克服到，相信超過九成九觀眾都有公德，只是個別人士的公德有問題。
近日有指法拉成電視台搶手貨，有多套劇集邀請演出，她笑言沒有接觸過，只是美麗的誤會，她說：「我仲有兩年戲劇課程要讀，冇時間接幾個月長嘅工作。」法拉透露已推掉不少電影工作，但時間較短的廣告絕對可以應付。
法拉又自爆戀情，在美國學戲劇時被18歲老外追求，她說：「18歲喎，佢都夠膽死，如果我15、6歲生仔，都生得佢出。」她表示雖然拒絕，但對方仍鍥而不捨。
另外，黃秋生昨日在尖沙嘴為伍詠薇主持的有線節目擔任嘉賓，秋生表示亦試過法拉相同的遭遇，他說：「佢（法拉）好斯文喎，我會直情指住話，真係唔好全程玩電話喇，會影響到做戲。試過有人篤電話，黑麻麻地方個燈照住個頭成隻攝青鬼咁，我停低望住佢，話佢『仲玩電話』，另一次個電話係咁響，我合埋眼唔出聲，等電話停先再做。其實咁忙，億億聲生意就唔好睇舞台劇喇。」
採訪：王連連、盧妹
攝影：陳慧安、沈健程