澳門大熊貓開開同心心早前榮升父母，生咗一對雄性雙胞胎大熊貓寶寶，澳門民政總署希望市民一齊分享大熊貓添丁喜悅，特別喺8月8日至31日舉行「大熊貓寶寶名字齊齊想」命名比賽，凡係澳門永久或非永久居民都可以參加。
咁有冇乜改名條件？當局話建議孖寶BB改嘅中文名，要有好嘅寓意同創意，同時要附有150字以下（包括標點）文字解釋。其實寓意好唔好真係見仁見智，可能參加者覺得叫做貪貪、污污反而好有警世味道、好正面吖？
當局話民政總署收集名字建議後，會聯同成都大熊貓繁育研究基地代表挑選；評審準則包括寓意、創意、語音效果以及一般送往外地嘅大熊貓命名習慣等，會考慮避免重複名字及諧音異義等因素。有興趣參加嘅，不妨到澳門大熊貓網 http://www.macaupanda.org.mo 參考詳情。