【拆局】
財政司司長曾俊華及立法會主席曾鈺成昨齊齊表態願意選特首，引起政圈的高度關注。有政界人士相信，兩人表態最少確定，中央對建制陣營在今屆特首選舉中，有人挑戰特首梁振英已經開了綠燈，「即係話梁振英冇機會獲欽點自動當選，連任機會大幅降低」。他又相信曾俊華率先表態，令他較另一黑馬、政務司司長林鄭月娥搶佔了先機。
有知情政界人士稱，有傳6月底港澳協調小組召開會議，盛傳會討論下屆特首選舉，難免令人覺得雙曾突然表態與此有關。
其實曾俊華早已經為參選做好準備，「已經去到諗辭職之後，佢搬出官邸要搵地方暫住」，只是中央不示意，他絕對不會提半句有意參選，現時曾俊華公開表態願意參選特首，相信已經得到一些確切訊息，中央會容許其他可接受人選入閘參選特首，「而且唔會只係陪跑嗰種」。而曾鈺成表態則更為明顯，「曾鈺成講明，冇人出（選特首）佢就出，即係話無論如何，梁振英冇機會自動當選」。
林鄭變得被動
該政界人士又認為，中央未必會明確反對梁入閘參選，不過若中央真的如曾鈺成所說，容許特首選舉是有競爭的選舉，而曾俊華、曾鈺成二人當中，真的有一人出選，他估計梁成功連任機會「將會好低好低」，「中央畀有份量人士入閘，即係可以接受下屆特首換人，咁樣冇可能唔睇港人支持度，亦唔可能支持一個民望低嘅人做下屆特首，等香港亂上加亂，一去到睇民望，梁振英根本冇得贏」。
另外一名政界人士相信，曾俊華率先表態願意選特首，對另一黑馬林鄭月娥來說，將變得被動，「曾俊華表咗態，即係話佢隨時可能辭職，而且可能已經同北京講咗，如果呢個時候林鄭仲唔表態，就好難同佢爭；但係林鄭如果要表態選，就要問准北京，北京畀唔畀兩個司長同時話去選特首？會係林鄭面對另一難題」。
■記者莫劍弦