「超人」李嘉誠旗下李嘉誠基金會前日宣佈派錢，向天水圍與離島區中學2017年度DSE考生派發5,000元現金，孖屐紛紛猜度超人此番好意所為何事，但想深一層，大家會唔會諗得太複雜呢，根據網上資料，超人今日88歲生日，話唔定佢老人家興之所至，想派錢為自己慶生呢。
超人一向重視教育，以往喺中港兩地捐錢辦學，都係億億聲咁捐，今次佢拎1,850萬元出嚟，只係碎銀啫，大家應該問佢老人家點解派咁少就真喇。Anyway，捐錢助人點講都係好事，等於放生做善事一樣，今次仲有3,700名學生受惠，大家對超人應該多番些少好感。