家長為乜把孩子送去解放軍軍事營「放暑假」，想爆頭也難明。待偷聽完巴士上層鄰座師奶乘客的對話後，抓住了重點，歸納幾種原因：
一，免費！曾經遭假公安敲詐過的精明師奶，終於發現，愛國原來唔係糊塗的愛，係真．免費！
二，解放軍冇迫個仔去麥當勞抗議，證明好人道。
三，南海是中國的！只要唔係去南海受訓就得。
四，中國一點都不能少！我個仔可能就是那「 一點」，真命天子都唔定！
五，用作反面教材，警惕個衰仔，如果讀書唔成，將來唔係乞食就係做解放軍，知死未！
六，嘻嘻，我個仔無腦，唔怕洗。其實佢撐本土，like前途自決，專登入軍營做無間道。
七，因為太迷小精靈GO，阿仔說要去軍營捕捉小精靈！北上，唔一定像班親中鹹蟲咁攬女，叫我放心。
八，我個仔剛相反，說如果搭上女兵BB，做上海姑爺肯定唔會拒絕。我叫他搵機會撈番個上海政協做吓。