財爺曾俊華1982年底加入政府，至今超過30年，大家一般只知道佢之前做過貿易署、海關關長、工商及科技局局長，直至2007年開始擔任財爺。噚日佢喺陳志雲嘅電台節目爆料，佢仲做過證監，財經背景夠晒深厚。
唔講真係唔知，原來曾俊華早於1985至1986年喺當時經濟局轄下嘅證券及商品交易監理專員辦事處（Office of the Commissioner for Securities and Commodities Trading）工作，之後監管架構進行改革，呢個部門嘅工作，後來由1989年成立嘅證監會接手。
照咁睇，下次見到財爺，可以叫佢話當年，講番證監會前身證監處嘅歷史故事㖭喎，後生股民分分鐘連證監處都未聽過呀。