【《蘋果》專訪】
在漆黑裏進行的音樂會，每年都有眾多歌手參與體驗，音樂會上既無恐懼、無助、也感覺不到惶恐，目的只為以音樂擁抱愛與包容，《暗中作樂》音樂會已第六年舉辦，黃耀明與周柏豪將再度踏上這個沒有視覺感觀的舞台，兩個不同風格、不同年代的歌手，將以歌聲帶大家走進音樂的大同世界。
幫助弱勢社群
音樂會於2010年首辦，明哥一直參與其中，他最明白音樂會的初衷，覺得份外好玩，明哥說：「最緊要係幫到弱勢社群，可以同弱勢社群調換角色，一個睇到嘢嘅人突然入咗黑暗裏面，變咗你先係弱勢，弱視嘅人反而走動自如，個經歷係好有趣。」
患有幽閉恐懼症的柏豪今次是第二年參加，他依然滿有期待：「呢個症冇得克服，要死頂！上一次入到去頭一兩分鐘呼吸困難，好冇安全感，要慢慢調整，感覺個空間，音樂一響大家就好似tune咗去同一個channel咁，好感動。對於我嚟講，會學到新嘅嘢，認識多啲自己，進入咗失明人士嘅世界，我嘅人生價值觀會有所調整。」
今年的音樂會以「重蒐舊好」作主題，開正明哥強項，他將重新演繹經典歌，笑言沒有「貓紙」是他唯一的死穴，他說：「唱錯歌詞都唔緊要，最緊要係聲音動人，盡量享受過程。」
柏豪抄比比鳥
另外，周柏豪前晚在將軍澳真道書院出席籃球活動，日前他在籃球比賽時受傷，他說：「腳腕附近整親，唔係輕微嘅事，噚日照咗X光，未知報告，呢排多打波比賽，不過都要休息吓，係郁得唔係幾順，𠵱家有紮住隻腳，唔可以做劇烈運動。」
有指柏豪似Pokémon小精靈比比鳥，他感到榮幸：「我係抄比比鳥，跟佢髮型來剪，𠵱家好多人都想擁有我，話想野生捕獲我。」
採訪：羅慧敏、王連連
攝影：陳順禎
