今年58歲的林依麗，噚日第三度報名參加立法會選舉，對於唔少九龍西女參選人，包括民記「元秋」蔣麗芸、「鼠王芬」梁美芬都疑似喺選舉宣傳中P圖，林依麗就笑言年紀咁大，P都冇得P㗎嘞，話今次唔係選美，P圖即係等於呃選民，慨嘆香港啲港豬要俾人呃，佢都冇辦法！
對於繼續推動「包二奶刑事化」，林依麗話主要係因立會議員多年嚟對包二奶問題連提案都唔敢，質疑一係男議員自己有包，一係女議員老公包緊啦，又話選民多年嚟都唔投票畀佢，以為佢係師奶唔識政治，只投畀黃毓民等人，令香港越嚟越亂，話「今次係必須考慮林依麗嘅時候」喎。