馬迷或馬評家都喜歡發掘高水準賽事，即所謂的KeyRace，從而找出值得跟進或留意的馬匹，呢日就同大家回顧一些上季尾的KeyRace俾大家參考參考一吓。
值得推介俾大家的KeyRace有6月26日總場次745場次，該場四班田草1200米賽事，前五名馬匹順序係「怪獸家長」、「勝在煌」、「綫路神駒」、「心思熟慮」及「帝聖之寶」，當中頭馬「怪獸家長」、季軍「綫路神駒」及第五名「帝聖之寶」已再上陣，結果全部贏馬而回，水準有幾高都唔使再多費唇舌，絕對係KeyRace中的極品。
至於745場次未再上陣之亞軍「勝在煌」及殿軍「心思熟慮」，目前評50分以下，新季在四班出賽亦不用負重磅，一見佢哋報名上陣已有捧場必要。