講KeyRace又點會少得高班賽，6月19日舉行的總場次727，本地三級賽田草1800米精英碟便是其中一個好例子。
該役雖然只得七駒參賽，不過前四名馬匹「喜蓮獎星」、「火紅人」、「天才」及「準備就緒」均在兩個半身位以內分勝負，其實都鬥得幾激烈，更難得係頭馬「喜蓮獎星」及亞軍「火紅人」於煞科日沙田一哩錦標再上陣，結果分別跑第一及第三包辦位置Q，證明精英碟一役水準就絕對唔差。
既然頭馬「喜蓮獎星」已被認定在新季可染指各項中距離大賽，咁「天才」喺精英碟蝕位較多之下，仍可力追「喜蓮獎星」拼入季軍輸唔遠，今季如跑番首本1600米，當然有重視必要。
此外，精英碟第四名「準備就緒」既然喺草地分級賽都跑得接近，證明唔一定只合泥地，呢類馬如果喺草地跑個位置，隨時都分到笑。