日本女子組合AKB48威足多年，早前舉行嘅「第8屆AKB人氣總選」都已經塵埃落定，指原莉乃成為首位連霸冠軍嘅一姐，佢率領一班隊友拍攝嘅總選舉水着寫真集，安排8月3日上架，而打入「神7」嘅指原、渡邊麻友、松井珠理奈、山本彩、柏木由紀、宮脇咲良、須田亞美里，就坐定定拍攝性感寫真，被喻為係「AKB48第2章，未來世紀開始」。
至於曾經係SKE48成員嘅鬼頭桃菜，上年改名三上悠亞加入AV界，做AV女優一年仲紅過以前SKE年代，下月16日佢就滿23歲，日前佢再到台灣展開幾天嘅吸金之行，又拍性感寫真，近日佢趁AKB出水着寫真集，都宣佈下月有第二本寫真集《Your Angel》上架嘅消息，一於出動「精靈球」露點硬撼舊東家，單係封面已露暈上陣。