磚頭有價，所以好多藝人都鍾意揸磚頭投資保值，最新一位就係莫文蔚，用成2,700萬買入長沙灣工廈環薈中心19樓四個相連單位。
呢個單位面積4,251方呎，莫文蔚今次透過維利亞太有限公司買入單位，間公司唯一董事就係莫文蔚（Karen Joy Morris）。以成交價計算，呎價大約6,351蚊，低過市價約一成。不過單位向呈祥道，會望到少少天主教墳場。
環薈中心喺2011年落成，又係新地樓，雖然係工廈，不過室內外設計都好似寫字樓。當年開售時呎價約3,500蚊至4,000蚊，舊年曾有單位升至7,900蚊一呎。
華華向莫文蔚求證，不過仲未回覆。如果用嚟收租，市值呎租約25蚊，回報都有成4.7厘。