富臨（1443）前年招股上市時，邀請咗翠華（1314）前行政總裁駱國安做獨董，咁啱富臨首席財務官（CFO）伍鑑津（Jeffrey）噚日出席活動時，話有意進軍快餐業，唔通就係買翠華？翠華早前話賣盤喎。
Jeffrey即刻耍手擰頭，澄清話公司從來冇諗過買翠華，佢只係講緊本身嘅發展計劃啫。講到近日《Pok𥌎mon GO》大熱，富臨都唔執輸，打算推出優惠，吸引食客邊食邊捉小精靈。
望真啲，呢位Jeffrey都算係外表四正嘅CFO，佢舊年先由星美控股（198）過檔，今年43歲，畢業於澳洲莫納什大學（Monash University）。