【本報訊】一名市民在大圍秦石邨惠康超級市場，購買一盒預先包裝的3件裝榴槤，豈料家人吃了兩件後，始發現有條「手指尾咁大」的蟲鑽出，感到惡心。事主質疑惠康衞生欠佳，促改善。
何先生於周日傍晚約6時到秦石邨惠康，購買30元一盒、已劏開包好的3件裝泰國金枕頭榴槤，他回家後把榴槤放入雪櫃保存。約3小時後何母回家拿榴槤吃，她先吃了兩件，但拿起第3件咬了一小口時，赫見一條啡色條狀物「郁吓郁吓」，連忙驚呼：「嘩！有條蟲爬咗出嚟！」
「手指尾咁大好恐怖」
何查看見一條蟲在榴槤上蠕動，「手指尾咁大，成條蚯蚓咁，好恐怖！」何母感反胃，「啷口扣喉嘔番出嚟」。事後何一度致電食環署投訴，並詢問對方會否向惠康發警告，但職員表示要視乎情況，他感到作用不大，遂向《蘋果》投訴，並帶同單據返回惠康理論，最後獲職員退款。
記者昨到秦石邨惠康了解，但已不見有包裝好的榴槤出售。惠康回應稱，對此個別事件表示關注，強調該公司一向有定期巡查及抽樣檢測等，以確保食品質量。
■記者徐雲庭