【本報訊】假結婚利潤可觀，此門「生意」數十年來從未沒落，而且開價越來越高。有中介人以40萬元報酬利誘假扮應徵的記者，不過另一中介人則力指40萬元肯定是騙局。除了現金報酬，集團還會以免費食住玩作招徠。
酬勞公價10萬元
記者以WhatsApp聯絡到中介人王先生，他未打招呼，首句即問「男定女幾多歲？」並表示可付40萬元。王先生多次追問記者的年齡，他指30歲以下的女人酬勞相若，年紀越大，價錢越低，同樣指公屋港人可得較高酬勞，「有啲大陸客講到明一定要公屋，唔係公屋就唔做」。
另一中介人何生（圖右）以肯定語氣說，可支付40萬元的接洽人是騙徒，「40萬嗰個就呃你，點會畀到40萬？講就係咁講，收唔收到係另一回事」。另一中介人小玲姐則指，「（內地人）邊有可能畀40萬你，人哋有40萬使乜落嚟香港，人哋有40萬喺大陸都發達啦」，她指約10萬元是假結婚酬勞的公價。
這些假結婚集團安排周到，多名中介表示，應徵者須親前往內地，來回車費及衣食住行集團全包，「全包，你一蚊都唔使出，你淨係收錢，我哋做到可以即日來回，一早上去，黃昏落返嚟，廣東省，我哋單就有好多……我哋成班人上去，唔係得你一個」。有中介人更指，即使記者順道去汕尾旅行，亦會包所有費用，「去到有得食有得玩，你乜都唔使付出，呢啲錢咁好賺又唔辛苦」。
■記者梁佩珊