曾經喺高登勇奪萬五個負皮，又鬧過網民「我係擦鞋，你吹呀？」，「紅極一時」嘅梁烈唯估唔到都有要搲撈嘅一日！
日前唯唯喺微博連出兩個post話自己成個八月都好得閒，叫各路兄弟有job就搵佢做咁，仲要咩job都接咁話。負皮王搞到冇人敢搵佢，o依家老婆大咗肚，有家庭要照顧，唔俾心機搵多錢又點得吖。不過唔使驚！唯唯，國家終於有任務交俾你喇！
「共青團中央」嘅微博昨早轉貼咗唯唯之前嗰張「祖國萬歲」嘅相，仲要俾個心心佢o添！難道呢個唔係上位嘅好機會咩？
識睇一定睇留言，大陸網民嘅留言真係精彩絕倫！個個都爭住話﹕「這樣的人不用待何時？」、「一直覺得他特別帥」、「愛國人士工作要忙不停」、「不能讓心懷祖國的好演員被港燦給毀了！支持唯唯來內地發展！」、「突然覺得在生活在中國好幸福啊~~你只要你努力工作努力熱愛生活熱愛國家這個國家就不會忘記你！ 」、「支持愛國藝人，希望他能大火~~！」、「愛國boy不應該被封殺！」、「長得也不錯，三觀又正，來吧，大陸永遠給好孩子溫暖的懷抱！」有網民仲話，自己喺唯唯未出名嘅時候已經留意佢，話唯唯喺TVB做大茄嘅時候並沒有討好大陸之嫌，仲讚佢有樣有演技，比其他演員更適合演戲咁話。
睇到呢到，大家係咪覺得國家好偉大，好想接受國家嘅任務呢？