「活在球內盡是生命…集合能量彈力超勁…日日能陪伴著我…精靈的群星」……前晚夜一夜都有成班人集結喺海邊同鬧市喺度捉小精靈!
不過，如果好似何雁詩咁呢就唔係幾好…佢喺Instagram分享咗個故事，兼貼出佢同鄭丹瑞(旦哥)嘅合照，寫道：「今日我為咗Pokémon Go得罪咗旦哥，因為我隻精靈唔係喺旦哥身上，所以佢企咗喺我前面好耐我都睇唔到佢，我以後會離遠100米都叫定旦哥先㗎!」
人母李蘊亦玩埋一份，就連推住BB車、湊囡囡羅紫晞都不忘搵小精靈，見到獨角金魚，佢就講笑稱：「BB點解契媽(G.E.M.)會喺到嘅?!」而G.E.M.昨早食早餐，寫道：「我的Salted Pan-Banana太好吃，沒空抓你~」