為捉Pokémon，可以幾瘋狂？黃美棋、周家怡、梁健平、楊淇和陸駿光等藝人所屬的班霸娛樂工作室，為慶祝Pokémon GO登陸香港及方便員工捉精靈，前晚竟發通告讓員工於昨日休息一天，公司負責人Angel昨說：「Pokémon GO喺未出街時大家已經好期待，與其大家都玩得咁興奮，而且呢排大家工作又咁忙，喺唔影響其他人嘅工作情況下，可以放假嘅都安排佢哋唞個氣啦！娛樂工作室係要帶畀人娛樂，所以先要娛樂自己先。」
前晚已跟男友鍾健威喪玩的黃美棋，對於放假通告一事笑說：「佢哋休假，我都冇得休，排緊舞台劇。」會否覺得公司為Pokémon休息一天太瘋狂？美棋笑說：「唔休息我哋都照捉啦，呢個係員工福利嚟，我見到都覺得好搞笑，因為我哋公司老闆都半夜三更走去捉。」
採訪：魯吉
