今日開始，老友見面別再寒暄問「食咗飯未？」，應該問「今日捉咗未？」會與時並進一點。事關香港正式開放下載《Pokémon Go》，可以預期香港跟外國一樣，捉精靈捉到瘋瘋癲癲。在facebook fan page「Uber香港司機專頁」內，就乘着《Pokémon Go》在港推出，出了個post提醒一眾Uber司機，將有許多訓練員（機迷）需要四周捉精靈，更說「有咩唔明，打我地熱線：5808 1655」。Uber教埋司機捉精靈唔算新鮮事物，外國已經做緊，記者很好奇Uber如何教香港司機捉精靈呢？打了兩三小時，終於接通Uber客戶熱線，最後輾轉由PR代答，說公司未有相關計劃，可能是某些fan page引述外國消息而引致誤會，但不排除未來在港推行《Pokémon Go》相關宣傳活動或租車計劃。明白了，純屬誤會，只是毫不美麗罷了。
記者：徐影龍
