【本報訊】市建局九龍啟德煥然壹居市價八折出售，當日超額認購36倍，篩選後逾3,000人合資格，怎料今年4月樓市出現跌勢，九成人甩底，折扣率一度跌至八六折。今天樓市反彈，重回八折水平，當日甩底客今日走寶。
煥然壹居4月初開賣，首日揀樓甩底客有七成，最後3,000名準買家僅沽323伙，九成甩底；賣剩15伙有意明年市價推售。甩底率高，因適逢樓市下跌，折扣率曾縮窄至八六折。
現在反映大市的中原城市領先指數CCL由今年低位127.46點，回升至130.5點，升幅2.4%。與煥然壹居同區、樓齡較新的二手樓譽．港灣呎價由低位1.34萬元回升約5%至1.4萬元，八折計呎價1.1萬元。煥然壹居一個兩房單位，售價約500萬元，呎價亦為1.1萬元，即重回市價八折。
業主陳先生當日獲600多號籌，無懼跌市照入市，「前面好多人甩底，原本冇機會變成有機會……睇過單位手工、用料都幾好，物有所值。同埋樓盤近地鐵站，仲係九龍區」。樓盤今天維持八折水平，他坦言：「心理上舒服啲囉，但投資開就知，呢啲是數字遊戲。」