【本報訊】不少年輕人矢志創業，但市場競爭大，並非人人都能順風順水。中文大學市場學系教授冼日明表示，以開辦市集為例，搞手僅提供一個買賣平台，不會參與買賣，「所以搵到好嘅seller（檔主）同buyer（顧客）係最重要，兩者相輔相成」。
他又認為，實體店開業成本高，而且租約一般較長，市集之所以能吸引年輕人參與做檔主，正是因為固定成本低，而且擺賣的位置多變，「無論係業餘玩家，定係有開舖嘅人，市集提供機會測試顧客口味，畀人認識自己嘅品牌」。
但是否產品夠獨特、騎呢就能成功突圍呢？冼教授強調「唔係人冇你有」就一定掂，「重點係個客覺得有冇消費價值」，「可能係享受行市集嘅氣氛，即使係賣啲非必需品，個顧客都好enjoy、肯畀錢買」。
他續指，作為搞手需要理解自己的目標客群，針對各類需要提供不同選擇，「一個市集平台值幾多、有冇得做，在於是否吸引到有料嘅檔主；如果係好嘢，就算山長水遠，消費者都會嚟買嘢」。