不少藝人包括張致恒、「大埔LuLu」董嘉儀、蔡穎恩、陳柏宇等昨日紛紛加入捉精靈行列，其中陳柏宇第一時間捉到比卡超，但就被網民質疑是用錢購買。
張致恒：
呢個game帶嚟好大運動量，捉到啲嘢或去到某啲蛋一定要行夠里數先孵到，揸車唔得，要靠行路換里數將蛋孵化成功。」
「大埔LuLu」董嘉儀：
我只喺屋企玩就捉咗3、4隻，好過癮，朋友話要行出街仲會捉到多啲，𠵱家約咗幾個朋友出發去元朗，希望捉到比卡超。
戴夢夢：
好多朋友傳短訊問我，話要去我屋企捉超夢夢，勁好笑！
陳柏宇：
要捉比卡超，只要開機時避開頭3隻車厘龜、奇異種子唔好捉，佢離開咗你版圖會再出現，第三次都唔捉佢哋，比卡超就會跌喺你隔籬，我覺得好玩但無聊，不過呢啲係童年回憶。
DJ Donald：
幾十歲人未試過因為一個遊戲會嘩出嚟，好耐冇試過呢啲得意嘢，但唔會沉迷。
曾淑雅：
玩緊呀，我搵到比卡超，有朋友教一關就可以搵到。