筷子、匙羮和叉平日都用嚟舀嘢食或煮嘢食，但其實呢幾樣小工具仲可以做好多其他嘢，化妝、晾衫，就連做手工都得！當然用餐具比起真正工具是有較遜色的地方，但用作應急或避免浪費絕對是不錯選擇！
匙羮：
1. 去皮
匙羮邊緣夠薄，用來刮薑皮可以刮得清脆利落，連轉彎位都照顧到。奇異果一樣可用匙羮去皮，先閘去頭尾，然而將匙羮攝進皮內一轉，整個奇異果肉可完整取出，不過流出的果汁較多。
2. 化眼妝
搽睫毛液時以匙羮背墊著睫毛，使睫毛液不會印在眼蓋及眼底。睫毛液乾了，可以反轉匙羮，用凹的一邊墊著睫毛，用手指輕按睫毛，使睫毛可借助匙羮邊緣變彎曲。
叉子
1. 做絲帶蝴蝶結
單飛蝴蝶：絲帶圍繞叉子一圈，前面作交叉狀，一邊攝入叉子中間一格，向後拉再兜回前面，穿過下面的絲帶向下拉打結，拉出絲帶便可。
雙飛蝴蝶：絲帶底面底面的穿過叉子，兜回頭重覆底面底面的穿過叉子但跟之前一行相反，直至穿到第四行，絲帶尾拉向與絲帶頭相反的方向，用另一條絲帶，穿過最底一行中間一格垂直打結拉緊，拉出絲帶便可。
2. 密封零食
零食袋口捲好，將叉子如夾子般叉著包裝口，零食自然封好！
筷子同樣可以做到相同效果！只要用即棄筷子將包裝口橫向夾好就搞掂！
筷子
1.做衣架
即棄筷子啪開成兩根，調校好長度，用兩根橡筋紥實中間位置，在於末端加兩根橡筋，使掛衣服時不易滑下，最後於中間位置再穿一條橡筋作掛圈，完成。當然用筷子做的衣架只可掛較輕的衣物如背心或嬰兒衣服啦。
2.紥髻
頭髮像束馬尾般握緊，筷子垂直放在馬尾旁（筷子尖向下），把馬尾徐徐捲上筷子，捉緊頭髮尾，筷子向上旋，以筷子尖叉進髮底，同時盡量把飛出的頭髮收入髻中；如一根筷子不夠穩，可加另一支在旁幫助叉實頭髮。
記者：容慧心
攝影：黃子偉、梁志永
