沈集成上季大爆發，全季累積54W，除打破自己一季內勝出最多頭馬紀錄外，於谷草狂掃36W，亦取代方嘉柏成為新一代谷草王。而沈廐上季部署戰馬於谷草出擊，手法亦相當高明，就係專攻谷草舉行次數最多之兩項路程1200 米及1650 米，各取得15W，成為現役所有練馬師之冠。
其中如「永旺年年」此匹澳洲PPG，原本跑田草起家，但上季初於兩場田草1200 米不敵「幸運日」及「幸運如意」跑第二後，可能覺得沙田對手一般較強，未必可如取如攜，毅然改爭谷草同程；殊不知試出彩虹，結果上季在谷草1200 米取得四W，馬主必定大豐收。
睇番此廐目前舊馬陣營中，最有條件轉谷草尋求突破之馬係「育成寶貝」，上季在田草跑過六場，屢次接近而未能勝出，可見本身實力未足以在沙田爭勝；轉戰谷草有可能搵到更佳出路。
另一匹值得備忘之沈廐馬為「發明小子」，正是沈廐上季另一匹轉戰谷草1650 米試出彩虹之馬，而且可壓倒「索咖啡」打叠W，同程實力唔簡單，新季有權再W。