33歲蔡卓妍(阿Sa)出道咁耐keep住童顏夠省鏡，不過身材就……日前Happy Sunday，佢同一班朋友出海，同行有關智斌、「腿張開」小姐陳逸寧等，本來阿Sa只係po出大頭相，同身穿比堅尼嘅背脊相，大晒玉背、靚股，搞到唔少網民跪求正面相!
阿Sa一向好錫fans，見fans咁想睇，佢都有求必應，po多幾張索泳照，寫道：「我最喜歡夏天的其中一個原因就是可以跟陽光和大海玩遊戲，幸好我有一班跟我有一樣愛好和一樣瘋的朋友，而且我還有一個會攝影的朋友，今天我給關智斌點100000個讚!」原來啲相係由好友關智斌操刀，唔怪之得阿Sa喪擺pose咁relax!