李彩華(Rain)同過氣「新五虎」何遠恒秘戀近3年，感情穩定，最近更傳佢哋會喺兩年內拉埋天窗，不過Rain接受訪問時就笑住否認﹕「你估抽閃卡咩？咁快，慢慢嚟喇，呢啲嘢唔急得，總之天公叫我閃就快閃，慢閃就慢閃。」
幾時結婚就仲未知，但Rain同男友前晚就好恩愛咁過咗大海，去澳門新濠影滙綜藝館欣賞黎明嘅演唱會，見Rain睇得好high。尾聲時，Rain仲拎住支吹氣棒棒走到台前跳舞，仲離遠同Leon喺影合照，而何遠恒就一直尾隨Rain做跟得男友。當記者要求佢哋合照時，Rain就不停話﹕「唔好啦！唔好啦！」何遠恒亦好聽女友話，企喺Rain後面雙手插褲袋，一臉尷尬咁儍笑。不過見何遠恒個樣就真係比以前脹咗好多，真係成個生意人咁樣。