曼城翼鋒史達寧已經歸隊，不過，佢就被踢爆喺暑假期間趁女友佩芝去咗希臘度假，自己就請咗一對姊妹花（圖）去加勒比海同佢風流快活。呢對有菲律賓血統嘅姊妹花姓韋斯達夫，家姐伊玲22歲、阿妹伊絲19歲，據講佢哋喺蒲吧時識咗史達寧，而史達寧就好嗒佢哋糖，所以早前不惜動用私人飛機，接佢哋去咗史達寧位於加勒比海群島、價值100萬鎊嘅度假別墅，一齊happy囉！