ViuTV的《瑪嘉烈》播完仍有好多是非，女主角爭戲，幕後又爆不和，身為男主角大衛的林保怡希望大家多一點包容和器量，他昨在電話中說：「大家唔好咁小朋友啦，出嚟做嘢，邊個唔改劇本、有邊個高層唔會改變主意？我樂於出錢請食飯都得，韋家輝同曾謹昌當年拍《大時代》都開晒拖，𠵱家咪又係好朋友。」
保怡與導演25睇法一致，覺得廖碧兒的弱點是中文麻麻，所以有南方舞廳（Ruby）在場會令碧兒較安心。他說：「其實兩個導演都好有potential，我亦要多謝Ruby畀咗好多創作自由我，我喺TVB咁耐都改咗好多嘢，因為演員係最前線揸住槍打仗嘅一個人。」他表示如拍第二輯，一定要有齊劇本才答應。
採訪：魯吉