滙控（005）行政總裁歐智華親密戰友高沛賢（Pierre Goad），因處理凍薪風波引起爭議，上周一集團內部通傳，佢被削去環球人力資源主管職務，只繼續擔任環球僱員視野及文化主管崗位（Global head of employee insight and culture），即係繼續做公關阿頭。不過佢另一頂帽——集團常務總監（Group managing director），就依然保留。
環球人力資源主管個位，就由亞太區人力資源主管Donna Wong暫時acting住先，等集團再物色合適人選接替，據聞Donna以前亦做過炒房人力資源部。
講開集團常務總監呢個職銜，滙豐銀行副主席兼行政總裁王冬勝、環球炒房阿頭安思明等，都身兼此職，由呢十幾位高層組成嘅集團常務總監委員會，可以話係獅子行最高行政機關，佢哋亦可以參與集團長期性質嘅股份分紅獎勵——集團業績表現股份計劃（GPSP），按表現分派股份。