認識肥通的人都知，我一代iPhone都未用過，一半拗頸心態，人人話世上手機只有iPhone？咁我唔用囉！Android的自主性，亦係令我暫時未有過會的誘因！不過一見到好正的手機貼及機殼，我又會有出番部當「第二部手機用」的衝動。
最近行信和又中招了！日本最近返的《新世紀福音戰士》NERV glass film，黑色9H的正常玻璃貼硬度，不過黑底銀字、銀花的低調設計，真係令人感覺有種成熟感，最重要是限量版，據知日本哪邊都已經開始斷貨，真係可惜了我冇iPhone 6及6s。機殼毒性更高！有悟空、比達都未必夠打的一拳超人及Gun Gale，都係用透明殼唔浮誇設計，香港土炮殼，真係冇得比。
查詢：電器士多（旺角彌敦道582-592號信和中心M樓M9號舖）
記者、攝影：朱崇德