夏日炎炎，ViuTV選美真人騷《美選D.n.A》嘅其中4位佳麗，包括「F Cup紋身女」石希露（Olga）、「變面謝安琪」趙詠瑤（Kimi）、「紋身姚子羚」譚凱倫（Helen）同健身教練姜珮琪（Bella），日前出海同 陽光玩遊戲，佢哋將噴血泳衣相貼社交網，鬥晒火辣身材。
擁34F巨咪嘅Olga盡騷big爆身材，佢接受電話訪問：「幾好玩呀，不過好熱同好曬囉，大家冇話要鬥身材，因為真係好普通，諗住輕鬆去玩。」身材 咁勁，係咪有信心入圍呢？佢話：「其實我冇乜嘢信心，覺得身材唔係優勝嘅地方，入到20強已經偷笑。」問到點解唔叫埋35F「巨胸翠如」鄧月平 （Larine）出海？Olga話：「其實都想叫埋Larine㗎，不過真係冇佢聯絡電話囉。」