【趙世光逝世】香港一代船王趙從衍的四子、即華光航業董事長趙世光大前日在養和醫院病逝，享年76歲，遺孀何琍琍前日與長女式明、次女式和、三女式平及四子式慶，現身香港殯儀館為亡夫喪事奔波，盡顯憔悴神傷之情。本報昨日致電聯絡何琍琍，她表示要返上海辦一點事才回港，其間聲線略帶點疲憊，問到丈夫喪禮安排，她表示：「日子定咗係30號出殯，29號設靈。」再問到會否有趙生生前好友扶靈等事宜，她表示：「詳細嘅嘢唔好講，我哋星期一或二會喺報章出訃聞。」
「另一個新旅程」
何琍琍與趙生共度43年，她表示：「人都去咗，已經有晒心理準備，全家人都喺齊度陪佢。」趙世光於1997年曾聯同兄長世彭及妹妹世亮與趙世曾對簿公堂爭家產，何琍琍昨日表示亡夫遺願是仔女齊心：「佢一路都希望幾個仔女團結，其實佢都冇特別嘢交帶，佢冇乜嘢掛心。」提到她連日為喪事奔波顯得憔悴，何琍琍自言年紀不輕，亦會好好照顧自己身體，她再補充表示：「佢都病咗好耐，我會睇係佢重生，去咗另一個新旅程，我都好安慰。」
採訪：唐如