一個工廈單位，兩年內被政府各部門巡查逾四十次，其中一次更是聯合行動，警局、消防、食環各派員出動，一行幾十人浩浩蕩蕩破門而入，不知就裡的人，大概以為要搗破甚麼犯罪集團。其實這單位只是獨立音樂表演場館－－Hidden Agenda（HA）；這所香港僅存的大型Live House，現正陷入第三次逼遷危機。
記者：湛婉淇 攝影：朱家駿、伍嘉亮
面臨釘契隨時七年搬三次
HA被逼遷已非新鮮事。自從2009年成立至今，它已被逼搬過兩次。若要為這兩代HA「斷症」：第一代HA，是死於政府的活化工廈政策；第二代HA，則是死於過時工廈規管條例。而至今位於牛頭角大業街的第三代HA，情況也是岌岌可危。
上月初，HA負責人許仲和（阿和）收到地政署的警告信，指單位違反工廈租契，若不回復至工業或貨倉用途，業主將會被釘契。阿和憶述：「最後嗰封信寫住錄音、拍攝同Live house都唔得。」警告信還指，HA違反了訂於1967年與1973年之租契。阿和質疑署方搬出多年前條例，卻漠視工廠北移後大量空置工廈單位的情況；政府怠於檢討政策的適用性，反而對默默活化工廈的藝術工作者窮追猛打，實在說不過去。
被邊緣化、居無定所，正是HA的寫照。阿和不禁嘆道：「本身工廠就係冇人用，我先係工廠做依啲嘢。唔係我地唔嘗試出去商業區去做，但因為除左租金高，仲有好多限制，例如嘈音。萬一隔離鄰舍唔鍾意你，日日投訴，咁你點做？」
只想堂堂正正辦Live House
阿和心目中的HA是個實驗室，樂隊可以在舞台上天馬行空，呈現自己鍾愛的音樂，即使是非主流的音樂類型，也不會被拒於門外。這裡至今已舉辦過千場「實驗」，亦孕育不少獨立樂隊，阿和說他在這方面已「為香港人盡晒力」，於心無愧。
只是，這一切心血與功勞當權者不屑一顧，不單沒有施予援手，還要補上一刀，令阿和不禁生氣：「政府再係咁，只會令更多樂隊有個憤怒心，令佢地呃自己冇人會鍾意、認同佢地做嘅嘢，冇人幫都冇問題！但其實有邊個想自己做嘅嘢宣傳唔到出去？」
問阿和若單位再被釘契，將會有何打算，他直言：「我搬佢（政府）都係追住我架啦！ 我都唔想再搬咁多次。如果要搞，真係要有一個確實搞到嘅方法，而唔係匿埋，我想個門口係長期打開。我唔駛人地拍門要望下鏡，邊個呀？喂政府喎！食環喎！地政喎！唔開門先。」
話說回來，其實Hidden Agenda只是一個讓不同音樂互相交流的表演場館，為甚麼要如此偷雞摸狗？工廈是否終歸不能成為他們的容身之所？請收看下一集。