喺馬天奴辭職後，阿根廷足總一直未搵到適合人選教國家隊。喺日前，受阿根廷政府委派搞好阿根廷足總嘅足球運動主管馬連，就話馬德里體育會嘅教練施蒙尼係適合人選，仲話施蒙尼可以好似啲阿根廷國腳咁，球會同國家隊兩邊兼顧，喺有國際賽踢嘅日子先至歸隊替國家隊掌帥喎！如果施蒙尼唔肯嘅話，馬連話佢心目中嘅人選仲有熱刺領隊普捷天奴同埋西維爾教頭森柏奧利。