羅馬喺日前公佈咗新球季嘅作客球衣（圖），球衣唔單止採用全白色，而且玩埋復古，喺心口嘅會徽用番傳統嘅狼頭，呢個會徽係2012年之後首次出現！見到羅馬一班球星，好似老將托迪同埋後衞袓安古靴美着住件最新嘅作客球衣，的確好鬼型；不過，如果呢件波衫着喺冇胸肌又「六合歸一」嘅平民百姓身上，恐怕呢件羅馬新作客球衣，同以前返學上體育堂嘅PE衫冇乜分別啦。