美國駐香港及澳門總領事夏千福早排先係fb用星爺金句同網民話別，噚日千福BB再發最後一po，而佢今次唔玩電影金句，改為粉墨登場玩造型，扮《阿飛正傳》入面嘅梁朝偉。
噚日千福BB喺fb發任內最後一po︰「向香港致敬，後會有期。 A tribute to Hong Kong. Until we meet again. - CAH」。今次重點係佢貼嘅相，扮梁朝偉喺《阿飛正傳》結尾對鏡梳頭經典一幕。而fb管理員就留言話，呢個po係千福BB總結香港工作嘅最後一po，千福BB好多謝大家支持，好期待新任總領事唐偉康喺8月下旬上任咁話。