今年初先成立、聲稱走中間路線、仲派過中間超人黃成智出戰新東補選嘅新思維，原本話9月立會選舉會喺新東及九西出選，點知擬出選新東嘅副主席廖添誠，突然拉埋另一個副主席姜炳同8名成員，話因為同新思維道不同不相為謀而退黨！
新思維黨員得80人左右，咁樣走10個，都咪話唔大鑊。
新思維代主席鄭承隆噚日見記者，表明會積極挽留佢哋，但鄭承隆承認，退黨10人均來自新東選舉團隊，佢相信退黨同新思維計劃唔派人選新界東有關，仲爆料原來早於本月16日。
新思維核心團隊已決定停止新東備選工作，而新思維主席狄志遠月初開始不斷游說廖唔好選，但一直唔成功，結果成個新東團隊拉隊走人，據聞佢哋隨時出嚟自己選。